Breaking News

नेकपाको राजनीतिक स्केच

नेकपाको राजनीतिक स्केच

सन्तोष कुमार चौधरी
दुई तिहाईको बहुमत प्राप्त गरेर नेकपाले मुलुकमा कुन काम गर्दैछ भन्ने कुरा यस  पार्टीको स्थायी कमिटी बैठकको स्केच बनाउँदा थाहा हुन्छ । केपी शर्मा ओली पार्टीका अध्यक्ष हुन् । उनी देशका प्रधानमन्त्री पनि हुन् । अध्यक्ष एवं प्रधानमन्त्री ओलीको पार्टीमा समर्थक र आलोचक दुबै छन् । कुन बढी छन् भन्ने परीक्षणको चुनौती सहजै दिइँदैन त्यसैले कुन कति बेला बलियो छ वा हुन्छ भन्न सहज छैन ।
स्थायी समितिमा नेकपाका सबै ठूला नेता छन् । र नेकपा भनेको पनि स्थायी समिति नै हो । नेकपाको स्थायी कमिटीमा तत्कालीन एमालेका २६ जना छन् । नवौं महाधिवेशनमा ओली १४  नेपाल १२ को गुट अनुपात थियो ।
स्थायी समितिमा ओलीका आलोचकले इतर विचार समूहलाई ओली दरकिनार गरेको बताएका देखिन्छन् । यी आलोचकहरूमा अधिकांश माधवकुमार नेपाल गुटका बताइन्छ । दरकिनारको अर्थ सरकारी संयन्त्रको बाँडफाँटमा उपेक्षा हो । ओली पक्षधर १४ मध्ये १२ जनाले राजकीय नियुक्ति तथा जिम्मेवारी पाएका तर नेपाल पक्षधर एकजनामात्रले त्यस्तो अवसर पाएको विषय बैठकको केन्द्रीय विषय बनेको छ ।
नेकपा बनेको अर्थात् एमाले–माओवादी एकताको अहिले आठ महिना हुँदैछ । एकतापछिको यो पहिलो पटक स्थायी कमिटी बसेको हो । पार्टीका एउटा पक्षले लगातार बैठक माग गर्दै आए पनि अध्यक्ष ओलीले टार्दै आएका थिए ।
शुक्रबार सुरु भएको बैठकमा बिहीबारसम्म ३४ जना सदस्यले बोलेका छन् । सञ्चारमाध्यमका अनुसार सरकारी कामकाजलाई पनि तारो बनाइएको छ । तर कुनै नीतिगत विवाद सतहमा आएको पाइँदैन । अध्यक्ष तथा प्रधानमन्त्रीका  सहयोगीहरू ओलीप्रति पूर्ण वफादारीको प्रदर्शन गरेकाले ओलीको अनुहारमा कुनै प्रकारको सिकन देखिएको छैन ।
राष्ट्रपति विद्यादेवी भण्डारी, मन्त्रीहरू ईश्वर पोखरेल, प्रदीप ज्ञवाली, रघुवीर महासेठ, मुख्यमन्त्रीहरू शंकर पोखरेल र पृथ्वीसुब्बा गुरुङ, संसदीय दलका उपनेता सुवास नेम्वाङ, प्रधानमन्त्रीका प्रमुख सल्लाहकार तथा नेकपा महासचिव विष्णु पौडेल, योजना आयोग उपाध्यक्ष पुष्प कँडेल, पार्टी प्रदेश इञ्चार्ज तथा प्रदेश २ प्रदेशसभामा संसदीय दलका नेता सत्यनारायण मण्डल एमाले नवौं महाधिवेशनमा ओलीका पक्षमा थिए । वामदेव गौतम सांसदमा पराजित भएकोले अपेक्षित जिम्मेवारी पाउन सकेका छैनन् । यद्यपि गौतमलाई संसदमा ल्याएर उपयुक्त ठाउँमा पु¥याउने पछिल्लो प्रयास नभएको होइन । उता मुकुन्द न्यौपाने मात्र जिम्मेवारी नपाएका हुन् । गौतम र न्यौपाने अहिले ओलीका आलोचक बनेका छन् । नेपाल पक्षबाट पार्टी सचिव तथा मन्त्री गोकर्ण विष्ट जिम्मेवारी पाउने नेता हुन् । https://scontent.fktm1-2.fna.fbcdn.net/v/t1.15752-9/
समानान्तर समूहमा किचलो चलिरहेको छ भने आफू धैर्य गरी बस्नु अर्को पक्षको स्वभाव हुन्छ । राजनीतिक भाषामा यसैलाई ‘पर्ख र हेर’ को नीति भनिन्छ । नेकपाका अर्का घटक माओवादी केन्द्र अहिले यही स्थितिमा प्रतीत हुन्छ । हुनत यो घटकले पनि पार्टी जिम्मेवारी वितरणमा ओलीले विधान र मापदण्ड मिचेको आरोप नलगाएको होइन । तर खुलेर बोलेका छैनन् ।
नेकपा स्थायी कमिटीमा माओवादीका १९ जना छन् । उनीहरू पुष्प कमल दाहाल, रामबहादुर थापा र नारायणकाजी श्रेष्ठ समूहका आधारमा छानिएका हुन् तर पर्ख र हेरकै कारणले ऐक्यबद्धताको स्थितिमा देखिन्छन् । हुनत यस ऐक्यबद्धताका प्रमुख आधारहरूमा पूर्व माओवादी समूहहरूबाट भइरहेको वैचारिक आक्रमणलाई पनि एक मान्न सकिन्छ ।

बैठकमा बोल्नेमा अब ११ जना छन्, जसमध्ये केही विदेशमा छन् । त्यसपछि सचिवालयका नेताहरूको बोल्ने क्रम सुरु हुनेछ ।
वामदेव गौतम सचिवालयमा छन् । उनी फरक मत प्रस्तुत गर्ने तयारीमा रहेको बताइन्छ । यसले के देखाएको छ भने पूर्वएमालेले नेकपाभित्र एक नयाँ शीर्षस्थ प्रतिस्पर्धी पैदा गर्न लागेको छ । हुनत गौतमको नयाँ अवतारले नेतृत्वलाई खासै चुनौती दिने देखिदैन, किनभने प्रचण्डपक्ष्ँको साथ उनलाई प्राप्त छ, तर वामदेव गौतमको नयाँ उदय भने अवशयम्भावी छ ।
राजनीतिक बार्गेनिङ्गको यो माहौलमा सरकारको कार्य प्रगतिको समीक्षाको सवाल स्थायी कमिटीमा फिका देखिन्छ । पार्टीमा सरकारी कामकाजको प्रभावकारी विश्लेषण भएन भने त्यसले सरकारको पर्फर्मेन्सलाई नै कमजोर बनाउँछ । किनभने प्रधानमन्त्री र मन्त्रीहरूले आफ्नै पार्टीबाट फिडब्याक लिनुपर्ने हुन्छ । किनभने विपक्षी तथा अन्य पार्टीहरूको त उसले डिफेण्ड गर्नुपर्ने हुन्छ । स्थायी समितिले सरकारी कामकाजको समीक्षा नगरे पनि अन्ततः सरकारी कामकाज सन्तोषजनक रहेको निर्णय सार्वजनिक गर्ने गरी बैठक सकिएको सार्वजनिक गर्नेछ

Online Saptari Registration
Online Saptari Registration

Related posts

Leave a Reply

Your email address will not be published. Required fields are marked *

Under News Detail – 750 X *